-
3K Views 0 Comments 0 Likes 0 Reviews
1860 kum loukaw kyate Ccungsung khua te Rovah lang khua alah zua hae. Khua zuakhaetu haepaw tuh U Pu Tung nynh lahthua.
Rovaw Asuilan :
Asuilan tuh atu kae umnaw khua hynh thualeite khohryn te khohthaw laku e ram kya nynh vah umty hae. Tuin ah umnawhae ram kyat uh lung leepipaw ccangkheiht lah um. Tuh e lung ah ming tuh Rovahpaw cite ah ko hae keiccu khohryn te khohthaw laku e ram blyn tuh Rovah ram ci lah thuaza khua hynh zema Rovaw khua alah cihae.
Tuh e ram kya tuh kum khuin(20) loukaw cia vah um haeza khuasaknawlang eih lah hooy khyh keiccuze aban tuh atu e khohthaw khua (Rovaw B) lang ccehhaeza aban tuh Khohryn khua (Rovaw A) kalang alah cceih hae. Lamaw lya tuh khohthaw, khohryn cite ko lah khua khyh. Khohthaw hynh ‘Tuilae khua’ vah cihae. Asuilan tuh ah umnaw hae loram min nynh athua. Tuhawte khohryn hynh zemah ‘Helia’ khua cite alah cihae.
Rovaw (A) (Khohryn), Helia khia ah cinawhaepaw te asuilan tuh lamaw lya tuh atu kae umnaw khua kya hynh Helia minphuin hae nynh inndong zathum te khua sahtynaw hae nynh a lah thua. Tuh e minphuin hae tuh rhaw nynh mih khua phe zolang ah thinghae keiccuze Matupi pee lang phe ccawe kouhae za atu kyaze Thephung minphuin hae kha nynh ah thua hae.
Kum saepi aro koute Thephung minphuin hae nynh ahccawetaw naw hae khua kalangkhe aban tuh Rovaw khuate lah nawekuh haeza khua kalangkhe aban tuh Rovaw Khuate lah nawekuh haeza khua bua lah sak thui hae. Tukeiccu nynh atu maw nynh khoh innpaw hae nynh tuh Helia (Hyalae) khua ah cii hae. THuasalama Rovaw khuate lah nawekuh haeza Helia khoroh kya ah lah hae keiccuze Rovaw te khoryn kha suelua haeza Rovaw (A) cikunawpaw athua.
