-
2K Views 0 Comments 0 Likes 0 Reviews
Sepi khua umpaw Thokhe tuh mia vua lang alacceih. Leisaw due lalui paw tuithang nung
nynh phe la kyn za kum (3) laro te Sepi khua bua la thua.
Kholae hae nynh pawkyamou na um cite khan lei tua lei lakhia hae. He ka ho ze
phe ka chih vae cih , na holing khyh oun ci la cih zema la khan sa khyh hae. Athua langze rua ngaw naw phe nung de oh boeitung phe nung de oh la ciza phe la nungde kou hae.
Tuin te tuh la ho vae. "Leih sawdue angan kuh he ka lui paw tuithang nung nynh oun hoy za, laanpi kou pui thya paw kya kae cceih. Tuinte innpi pi kya kae thua ccungccaw ala aepaw lu kha phebeih lang ala taw ku. Hynh zeih ccungccaw luh hynh do tua , thuasalama nan tuh bangpawlang nynh kae nung cih oun ci. Ngasaw te awtui saw, ccatang buu cci oun ae sa za paw paw rya oun law sa khyh. Ccapise lukheih kae sah za la cceih ccavae , kathang palia nae laho lang khyh oun ci" la cih kou te phe la chih vae. Thokhe rua tuh lasung vae hae.
Khuazi tuh tuithang nung tuh ruamua lang la tho kuh vae. Khivae laza sazah ccungccaw hae blyn tuh marya la it vae hae. Thohae nung lukheit kyalya la hah sah. Tuithang nung nynh tangvaw lang tuin atu ze, ccungnak boei sepaw , atang boeipae , boei lakhua pui thya paw blyn la baw zah la raw.
Leisaw ngasaw pui sala ka rae Thokhe longaw za Bawi lyn lamyn sebipaw ka re Thokhe longaw zaw ka ccaw Thokhe zaw ze aa rotaw zaebang ccyn cih paw raw nynh raw nynh ci hae ze Tuithang ccung lang ccue ala cite ala raw.
Atu cia sela bawi law lang po asak hae. Tu e thohae nung nynh "atu zi tuithang nung araw paw tuh ngae ry eih um kae sy " cite alaho. Zete bua oun thua ze he nae tho cih la ci hae. Ze te bua lathua za pung bua la it sa hae. Latho hae za latho kho vae khyh hae.
Aw pum oun khua vae ze selung karou a ccae vae za immakaw e eih hae paw selung ka rou oun ccae vae la cih za, aw khua sang phe
La cceih vae - phe cceih te pong bua lathae kuh hae zah tangdung kya isei sungkua zya la baw sya vae.
Tuh e sungkua tuh khoi um, zynaemung khikhia, awmit khikhia, buatua khikhia, la khae kuh. Tuh e tuh lado hae z ate nynh atuh e boeipae tangpaw, boei sepae, boei la khua lang ala kua hae.
Tuithang nung tuh ping ccinnung a ci kuh.
Ccoelia;- Akua ty nung tuh Pothang nung (Daw Ryaccin) lung khua ze Boei akua thyahuapaw la do sahae za alakua sahae. Ccoelia hynh zolaw (zelung law ) akua hae paw thua za, kum 3 cci akua hae. Daw Ryaccin tuh ccoelia akua nawte vya chih lang ccih za, kutdothyapaw nynh thyadung se na chia aho acipyapaw te setuh Lung Ngo bawi kya koiza adon- sang kho vae khyh za amaw tuh she lang atang acihae. Ccoelia =ccuglua (ccungsungkonaw) kyate Hakha nynh conlo acihae.
Ccawngnak boei;- Siapio oun pout e akua hae paw vae.
Kyate; thungpa.multiply.com
){kind=link}