Update your settings

Doh is E.

1. Vaawlang khuin ka do zah maeking zi kha ka muih,

        Mua vaw maeking hawte, vaaw zakaw balyn ka muih;

        Thuasalah ka muih loh khyh riatae lei lung‘ae zah,

        Hynh-e ka tua vae ze, Bawipaw hohtuh na lee.

               Tukeiccu pou Bawipaw kae thehooysah,

               Khumtu Bawi ka Pachia na thua;

               Leesae kuih te beih zah,

                Athonaw te athangnaw cia,

               Leesae kuih te kyng zah, e kong ka tua vae ze,

               Bawipaw hohtuh na lee.

2. E lae vaw paw um lei, lungkhu uccaw um sah,

        Ninthu, khuanin, khuazi, sawpaw, awsi, awsah;

        Amaw accyh thyhhawte, cceih‘ae miakuh‘ae zah,

        Hynh-e ka tua vae ze, Bawipaw hohtuh na lee.

3. Vaaw zakaw hmin takyh Bawipaw nang na um zah,

        Rili lungkhu kya blyn, Bawipaw nang na um zah;

        Na bya kya na nungtypaw, he bua nae muihsah tuh,

        Hynh-e ka tua vae ze, Bawipaw hohtuh na lee.